Mahigit dalawang buwan na ako dito sa Saudi Arabia. Sa
panahong iyon ay madami na din akong naranasan na hindi ko pa nararanasan sa
buong buhay ko.
Dati, kapag naririnig ko ang Saudi, ang iniisip ko ay
sobrang init dahil nga isa itong disyerto. Ngunit meron din pala ditong
taglamig.
Una kong naranasan ito sa aming opisina, kinailangan ko pang
magdala ng jacket para lamang mabawasan ang lamig na aking nararamdaman.
Sobrang lamig at halos kada kalahating oras ay pumupunta ako sa cr para lamang
mabawasan ang lamig na nararamdaman ko. Andyan ang pagkuskos sa tenga at pagkiskis
ng kamay pra magkaroon ng init dahil sa friction.
Nung hindi na naming kinaya ay nagrequest kami sa taga
maintenance na lagyan ng tela ang ibang parte ng aming aircon. Pero kahit isa
na lang butas ay medyo giniginaw pa din ako at nagjajacket pa din. Imaginin mo
na lang kung hindi namin pinatakipan ang iba, siguro magyeyelo na mukha ko.
Hehehe!
Dumating na din ang taglamig dito at naranasan ko na din na
umabot sa six degrees ang temperatura. Brrrr… Umuusok ang bibig namin kapag
nagsasalita. Kahit nasa loob ng kuwarto, nakamedyas at naka jacket na din
minsan. Kapag lumabas, hindi pwede na
naka shorts at t shirt lamang, siguradong takbo ka pabalik. Pati sa pag aabang
ng coaster, hindi na pwede sa labas, kundi dun sa may daanan palabas kami nag
aabang.
 |
| Ganito kami ngayon kapag nag aabang ng coaster tuwing umaga. |
Walang heater ang aircon namin dito sa kwarto kaya balot na
blanket with matching medyas kapag natutulog. Buti meron kami tatlong water
heater sa flat (isa sa bawat cr (dalawa ang cr namin)) at isa sa kusina. Kung
nagkataong wala, sigaw na lang tuwing maliligo at maghuhugas ng pinagkainan.
Matagal pa bago matapos ang tag lamig dito. Kaya ngayon,
tiis muna sa lamig. Mas mabuti na ito kesa sa tag init.
